01.11.25
ისტორია თბილისისა და მის განვითარებაზე, რომლის ავანგარდში არიან ადამიანები, რომლებმაც არა მხოლოდ სიტყვით, არამედ საქმით დაამტკიცეს გამორჩეული სიყვარული ჩვენი ქალაქისადმი. გადაჭარბების გარეშე შეიძლება ითქვას, რომ კომპანიას და გუნდს, რომელსაც ახლა წარმოგიდგენთ საკუთარ ბიზნეს პორტფელში აქვთ ისეთი მნიშვნელოვანი აქტივი, რასაც დედაქალაქის ერთ-ერთი უბნის განვითარება ჰქვია. ვიდრე ლისი დაიწყებდა განვითარებას, ეს უბანი თითქმის არავის ახსოვდა იქ დასახლებული რამდენიმე ათეული ოჯახის და მოვაჭრის გარდა, გავიდა დრო და ლისი დეველოპმენტის წარმატებული, მიზანმიმართული, მეთოდური მუშაობის შემდეგ ქალაქის და ქვეყნის ყველაზე მიმზიდველი, მოთხოვნადი, ბრენდული და დაფასებული ადგილმდებარეობა გახდა. ახალი გამოწვევების და საკუთარი პროექტების განხორციელების ეტაპი დაუდგა ამ გუნდს, პირადად ნოდარ ადეიშვილს, რომელიც ლოკომოტივი იყო ლისის დეველოპმენტისა თავის დროზე, ამიტომაც პარტნიორებთან ერთად ჩამოაყალიბა კომპანია Placemakers, რომელმაც თავისი პირველი დეველოპერული პროექტი სწორედ ლისიდან დაიწყო. აქ ბევრ თქვენთვის კარგად ნაცნობ სახეს და პიროვნებას შეხვდებით, ისევე როგორც ადგილზე სრულად ის კომპეტენცია, ექსპერტიზა და საქმისადმი ერთგულება, რაც ნოდარ ადეიშვილს, ზურაბ ფიჩხაიასა და გუნდის სხვა წევრებს მოჰყვებათ.